މަޤާމް

ކޮންސަލްޓަންޓް (ދިވެހިރާއްޖޭގައި ގެވެށި އަނިޔާގެ ޙާލަތު ދެނެގަތުމަޓަކައި ކުރިއަށް ގެންދެވޭ ދިރާސާގެ ޑޭޓާ އެއްކުރުމަށް) 

މަސައްކަތުގެ އަގު

މަސައްކަތުގެ އަގު ކަނޑައެޅޭނީ ހުށަހެޅޭ ޕްރޮޕޯސަލްގެ މައްޗަށް ބިނާކޮށެވެ.

މަސައްކަތުގެ މުއްދަތު

55 ރަސްމީ ދުވަސް

ތަޢުލީމާއި ތަޖުރިބާ

1. ސޯޝަލް ސައެންސް، ޑިވެލޮޕްމަންޓް ސްޓަޑީސް، ރިސަރޗް ނުވަތަ ގުޅުން ހުރި ދާއިރާއަކުން މާސްޓަރސް ޑިގްރީ ލެވެލް އަށް ތަޢުލީމް ހާސިލް ކޮށްފައިވުން. ނުވަތަ ސޯޝަލް ސައެންސް، ޑިވެލޮޕްމަންޓް ސްޓަޑީސް، ރިސަރޗްގެ ދާއިރާއިން ބެޗްލަރސް ޑިގްރީ ލެވެލްއަށް ތަޢުލީމު ހާސިލުކޮށްފައިވުމާއެކު ރިސަރަޗް ހެދުމުގެ ދާއިރާއިން މަދުވެގެން 5 އަހަރުގެ ތަޖުރިބާ ލިބިފައިވުން. މާސްޓަރސް ޑިގްރީ ލެވެލްއަށް ތަޢުލީމް ހާސިލުކޮށްފައިވާ ފަރާތްތަކަށް އިސްކަން ދެވޭނެއެވެ.
2. ސޯޝަލް ސައެންސް ރިސަރޗް (ދިރާސާ) ހެދުމުގައި މަދުވެގެން 3 އަހަރުގެ ތަޖުރިބާ އާއި ޤާބިލްކަންހުރުން، ހާއްސަކޮށް ކުއަންޓިޓޭޓިވް އަދި ކުއަލިޓޭޓިވް ރިސަރޗް ހެދުމުގައާއި ގައުމީ ފެންވަރުގައި އިޖުތިމާއީ، ސިއްހީ ނުވަތަ އިގްތިސާދީ މައްސަލަތަކާ ގުޅުންހުރި ކަންކަމުގައި ދިރާސާއާއި ސަރވޭ ހެދުން.
3. ޑޭޓާ އެއްކުރުމާއި ތަޙުލީލުކުރުމުގެ (އެނަލިސިސް) ޤާބިލުކަންހުރުމުގެ އިތުރުން ތަފާސްހިސާބާއި ގުޅުންހުރި ސޮފްޓްވެއަރ ބޭނުންކުރަން އެންގުން.
4. ކުދި ޖަޒީރާ ގައުމުތަކާއި (ސްމޯލް އައިލެންޑް ޑިވެލޮޕިންގް ސްޓޭޓްސް) ގުޅުންހުރި ރިސަރޗް ނުވަތަ މިކަމާއި ގުޅުންހުރި އެހެން މަސައްކަތް ކޮށްފައިވާ ފަރާތްތަކަށް އިސްކަން ދެވޭނެއެވެ.
5. އިނިއުމަރޭޓަރުން ތަމްރީނުކުރުމާއި ޓީމެއް ގޮވައިގެން ޑޭޓާ އެއްކުރުމާއި، ރިޕޯޓް ލިޔުމާއި، ޕްރޮޖެކްޓް މެނޭޖްކުރުމުގެ ގާބިލުކަމާއި ތަޖުރިބާ ހުރި ފަރާތަކަށްވުން.
6. އިނގިރޭސި އަދި ދިވެހި ބަހުން ފަސޭހަކަމާއެކު ވާހަކަ ދައްކަން، ލިޔަން އަދި ކިޔަން އެނގުމުގެ އިތުރުން ތަރުޖަމާކުރުން އެނގުން.
7. އޮފީހުގެ މަސައްކަތްތަކަށް ބޭނުންވާ ވަރަށް ކޮމްޕިއުޓަރ ބޭނުންކުރަން އެންގުން.
8. އަމިއްލައަށް އިސްނަގައިގެން މަސައްކަތްކުރުމާ އަދި ގިނަ ބަޔަކާއެކުގައި ގުޅިގެން މަސައްކަތްކުރުން.
9. އަތޮޅުތަކަށް މި މަސައްކަތާއި ގުޅިގެން ދަތުރުކުރުމަށް އުޒުރުވެރިނުވުން.
10. ކުރިން ދިވެހިރާއްޖޭގައި މިފަދަ މަސައްކަތްކޮށްފައިވާ ފަރާތްތަކަށް އިސްކަން ދެވޭނެއެވެ.
11. މި ދިރާސާގެ މަސައްކަތް ކުރުމުގައި ވީހާވެސް ގިނަ ވަގުތު ދެވޭ ފަރާތްތަކަށް އިސްކަން ދެވޭނެއެވެ.

ކުރަންޖެހޭ މައިގަނޑު މަސައްކަތްތައް

ރާއްޖޭގައި ގެވެށި އަނިޔާ ހިނގާ މިންވަރާއި ޙާލަތު ދެނެގަތުމަޓަކައި ކުރިއަށް ގެންދާ ދިރާސާގެ ޑޭޓާ އެއްކުރުމުގެ ހުރިހާ މަސައްކަތެއް ކުރުން. މި ގޮތުން، ބޭނުންވާ ލިޔެކިޔުންތައް ހޯދުމާއި، ލިޔެކިޔުންތައް ތަރުޖަމާކުރުމާއި، ޑޭޓާ އެއްކުރުމަށްޓަކައި އިނިއުމަރޭޓަރުން ހޯދުމާއި ތަމްރީނުކުރުމާއި، ޓީމެއް ގޮވައިގެން ޑޭޓާ އެއްކުރުމަށް ކުރަންޖެހޭ ދަތުރުތަކުގެ އިންތިޒާމު ހަމަޖައްސައި، ދަތުރުތަކުގައި އަމަލީގޮތުން ބައިވެރިވުން. މީގެ އިތުރުން، ޑޭޓާ އެއްކުރުމުގެ މަސައްކަތާގުޅޭ ރިޕޯޓު އެކުލަވާލައި ހުށަހެޅުން.  

ނޯޓު: ކުރަންޖެހޭ މަސައްކަތުގެ އިތުރު ތަފްސީލު ހިމެނޭ ޓީ.އޯ.އާރު އަދި މަޢުލޫމާތު ކަރުދާސް ގެޒެޓުން އަދި މި އޮތޯރިޓީގެ ވެބްސައިޓް www.fpa.gov.mv ގައިވާނެއެވެ.     

މިކޮންސަލްޓަންސީއަށް ޝައުޤުވެރިވެ ވަޑައިގަންނަވާ ފަރާތްތަކުން ޕްރޮޕޯސަލްއާއެކު (މަސައްކަތުގެ އަގާއެކު) ތިރީގައިވާ މަޢުލޫމާތު ހުށަހަޅަން ވާނެއެވެ.

1-      ކޮންސަލްޓަންސީއަށް އެދޭފަރާތުގެ ވަނަވަރު (ކަރިކިއުލަމް ވީޓާ)

2-      މޯލްޑިވްސް ކޮލިފިކޭޝަން އޮތޯރިޓީން އެކްރެޑިޓްކޮށް (އަދި އެޓެސްޓްކޮށްފައިވާ) ތަޢުލީމީ ސެޓްފިކެޓްތަކާއި ޓްރާންސްކްރިޕްޓް ތަކުގެ ކޮޕީ

3-      މަސައްކަތް ކުރިޔަށް ގެންދާނެ ގޮތުގެ ޕްލޭންއާއި ޓައިމް ފްރޭމް (މަސައްކަތް ނިންމުމަށްފަހު ހުށަހަޅާ މުއްދަތާއި ތާރީޚާއެކު)

4-       ކޮންސަލްޓަންސީގެ އަގާއެކު ޕްރޮޕޯސަލް (ދުވާލަކަށް ކަނޑައަޅާފައިވާ އަގާއި ކުރަންޖެހޭ މަސައްކަތްތައް ނިންމުމަށް ހުށަހަޅާ ދުވަހުގެ އަދަދުތަކާއެކު)

5-      ވަޒީފާއެއްގައި އުޅެފައިވާ ނުވަތަ އުޅޭ ފަރާތެއްނަމަ އަދާކުރާ ނުވަތަ އަދާކޮށްފައިވާ ވަޒީފާގެ މަސްއޫލިއްޔަތު އެނގޭނެ ރަސްމީލިޔުމެއް އަދި ކޮންސަލްޓަންސީއަށް އެދޭ ފަރާތުގެ މަސައްކަތް ބެލެހެއްޓެވި އިސް މުވައްޒަފަކު ނުވަތަ ސުޕަރވައިޒަރަކު އެފަރާތުގެ މަސައްކަތާމެދު ދެކޭގޮތުގެ ލިޔުމެއް (ރެކަމެންޑޭޝަން ލެޓަރ).

6-      ދިވެހި ރައްޔިތެއްކަން އަންގައިދޭ ކާޑުގެ ކޮޕީ

ނޯޓު:

-          މަތީގައިވާ ކޮންސަލްޓަންސީއަށް އިންޓަރވިއުއަށް ދަޢުވަތު ދެވޭނީ ޝަރުތު ހަމަވާ ފަރާތްތަކުގެ ތެރެއިން ހަމައެކަނި ޝޯޓްލިސްޓްކުރެވޭ ފަރާތްތަކަށެވެ.

-          މިކޮންސަލްޓަންސީއަކީ ކޮންޓްރެކްޓް އުސޫލުން ވަކި މުއްދަތަށް ކަނޑައަޅާފައިވާ ކޮންސަލްޓަންސީއެކެވެ.

-          ކޮންސަލްޓަންސީއަށް ހޮވޭނީ ތަޢުލީމީ ސެޓްފިކެޓްތަކާއި ޕްރޮފެޝަނަލް ކޮލިފިކޭޝަން، ތަޖުރިބާ، އިންޓަރވިއު، އަދި މަސައްކަތް ކުރުމަށް ހުށަހަޅާ އަގަށް ބަލައި، އެންމެ މަތިން މާރކްސް ލިބޭ ފަރާތެކެވެ. މި ގޮތުން، އިވެލުއޭޓްކުރުމުގައި ބަލާނީ ތިރީގައިވާ މިންގަނޑަށެވެ. އިވެލުއޭޓް ކުރުމާގުޅޭ ތަފްސީލު މަޢުލޫމާތު ކަރުދާހުގައިވާނެއެވެ.

• ހުށަހަޅާ އަގު %20
• ތައުލީމާއި ތަޖުރިބާ 30%
• އިންޓަރވިއު %45
• ރަސްމީގަޑިތަކުގައި އޮތޯރިޓީގައި މަސައްކަތްކުރުމަށް ވަގުތު ދެވޭނަމަ 5%

މި ކޮންސަލްޓަންސީއަށް ޝައުޤުވެރިވެވަޑައިގަންނަވާ ފަރާތްތަކުން ފެމިލީ ޕްރޮޓެކްޝަން އޮތޯރިޓީގެ ޗީފް އެގްޒެކެޓިވް އޮފިސަރ، އަލްފާޟިލާ އާމިނަތު ލީނާ ޢަލީއަށް އެޑްރެސް ކުރައްވައި ސިޓީއަކުން، މަތީގައި ބަޔާންކޮށްފައިވާ ލިޔެކިޔުންތަކާއެކު ބަންދުކޮށްފައިވާ ސިޓީއުރައެއްގައި، 25 އޮގަސްޓް 2019 ވާ އާދީއްތަ ދުވަހުގެ 14:30އަށް، މި އޮތޯރިޓީއަށް ވަޑައިގެން ޕްރޮޕޯސަލް ހުށަހެޅުންވުން އެދެމެވެ. މި ގަޑީގެ ފަހުން ވަޑައިގަންނަވާ ފަރާތްތަކުގެ ޕްރޮޕޯސަލް ބަލައިނުގަނެވޭނެ ވާހަކަ ދަންނަވަމެވެ.

އިތުރު މައުލޫމާތު:

ފޯން: 3010551

ފެކްސް: 3010552

އީމެއިލް: [email protected]

ވެބްސައިޓް: http://fpa.gov.mv/dh

6 އޮގަސްޓް 2019